जय जय माँ नंदा सुनंदा,
माता दिये वरदान।
देवभूमि की माता प्यारी,
भौते छन महान।
वरदानी माता नंदा सुनंदा,
सदा माँ कहलायी।
कदली सेवा में माता,
हांम सब ल्यायी।
अल्मोड़ा में नंदा देवी,
माता नैना नैनीताला।
करिं दिये माता आब,
देवभूमि खुशहाला।
द्वार ऐंरीं भक्त माता,
करणीं सबै ध्यान।…
जय जय नंदा सुनंदा,
माता दिये वरदान।
देवभूमि की माता प्यारी,
भौते छन महान।…
चारों ओर हैरै देवभूमि में
माता की जयकारा।
जो साँची मनल आयो,
माँ सुण छै पुकारा।
लाज माता हर बखत,
आब हामरिं धरिये।
विनती माँ नंदा सुनंदा,
यौ सफल करिये।
भारत समृद्ध हैजो,
गौं घर खुशहाला ।
माता नंदा सुनंदा कैं,
गुण सदा सबैं गाला।
मिटै दिये अन्यार माता,
हामूंकैं दिये आब ज्ञान। …
जय जय माँ नंदा सुनंदा,
माता दिये वरदान।
देवभूमि की माता प्यारी,
भौते छन महान…..
रचनाकार – भुवन बिष्ट
मौना, रानीखेत (उत्तराखंड )
लेटैस्ट न्यूज़ अपडेट पाने हेतु -
